Garrido: Við löndum David Villa fyrr en seinna

Javier Garrido, varnarmaður Manchester City, telur líklegt að lið hans muni fyrr en seinna geta keypt leikmenn á borð við Kaka, leikmann Real Madrid, og David Villa sem leikur með Valencia.

Það munaði litlu að liðið hefði náð Kaka til liðsins í fyrra en ekkert varð úr því. Garrido segir að liðið verði að enda í einum af fjórum efstu sætunum í deildinni til að landa feitustu bitunum.

„Manchester City er að gera hlutina af alvöru og við vonumst til að ná okkar markmiðum. Félagið er virt hér á Englandi og við ætlum okkur stóra hluti í framtíðinni," sagði Garrido.

„Þegar sá dagur kemur að verðum farnir að spila í meistaradeildinni á hverju ári þá er félagið mjög líklegt til að landa David Villa."