Kjörstjórn VGR segir af sér

Kjörstjórn Vinstri grænna í Reykjavík hefur ákveðið að víkja sæti eftir prófkjörið sem fór fram um helgina.

Ástæðan er sú að frambjóðendur fengu misvísandi upplýsingar um túlkun forvarlsreglna frá kjörstjórn. Í fréttatilkynningu frá VGR kemur fram að við taki ný uppstillinganefnd enda sé ljóst að á milli uppstillingarnefndar og þeirra sem skipuðu efstu sæti listans þurfi að ríkja fullur trúnaður. VGR segir það vera ljóst að enginn frambjóðenda hafi brotið reglur

Til að tryggja að lært verði af þessum mistökum og til að efla lýðræðislegt starf innan flokksins mun stjórn VGR beita sér fyrir því að sérstök nefnd verði skipuð sem mun fara yfir aðferðafræði Vinstri-grænna við uppröðun á lista, þ.m.t. forvalsreglur félagsins, segir í tilkynningu frá félaginu. Nefndin mun svo gera tillögur til stjórnar flokksins um endurskoðun reglna um framkvæmd forvala og aðrar aðferðir við uppröðun á lista á vegum Vinstrihreyfingarinnar - græns framboðs.