Grétar Rafn fékk rautt - Portsmouth vann Hull

Grétar Rafn Steinsson var í byrjunarliði Bolton sem heimsótti Everton í ensku úrvalsdeildinni í dag. Grétar fékk að líta rauða spjaldið á 71. mínútu þegar hann var aftasti varnarmaður og braut á Yakubu.

Staðan var markalaus þegar Grétar fékk rauða spjaldið en Mikel Arteta skoraði úr aukaspyrnunni sem kom í kjölfarið og Everton tók forystu. Undir lokin bætti Steven Pienaar við marki og Everton vann 2-0.

Hull er í frjálsu falli og tapaði í dag fyrir Portsmouth 3-2. Hull var 2-1 yfir þar til á 88. mínútu en heimamenn skoruðu tvö mörk í blálokin og tryggðu sér sigurinn. Hermann Hreiðarsson lék allan leikinn fyrir Portsmouth.

Hér að neðan má sjá úrslit þeirra leikja sem hófsut klukkan 15.

Everton - Bolton 2-0

1-0 M. Arteta (72.)

2-0 S. Pienaar ('89.)

Portsmouth - Hull 3-2

0-1 C. Folan (27.)

1-1 T. Smith (37.)

1-2 C. Folan (73.)

2-2 J. O'Hara (88.)

3-2 N. Kanu (89.)

Stoke - Tottenham 1-2

0-1 Eiður Smári (46.)

1-1 M. Etherington (64., víti)

1-2 N. Kranjcar (77.)

Sunderland - Birmingham 3-1

1-0 D. Bent (5.)

2-0 D. Bent (11.)

2-1 C. Jerome (60.)

3-1 F. Campbell (88.)

Wigan - Burnley 1-0

1-0 H. Rodallega (90.)