25 kílóa kúr 50 Cent: Fljótandi fæði og þrír tímar á brettinu á dag

Rapparinn 50 Cent grennti sig um 25 kíló fyrir hlutverk sitt í kvikmyndinni Things Fall Apart.

Þar leikur hann bandarískan ruðningsspilara sem greinist með krabbamein. Myndir af gjörbreyttum rapparanum birtust nýlega og vekja þær mikla athygli.

Hann var á fljótandi fæði í níu vikur og á hlaupabrettinu þrjá tíma á dag til þess að missa öll kílóin. Hann segist þó vera byrjaður að borða á fullu og vera enga stund að ná þessu til baka. Aðdáendur hans hafa áhyggjur af áhrifum þessa á heilsu hans.

50 Cent, eða Curtis Jackson, fetar þarna í fótspor leikara eins og Christian Bale, sem grennti sig óheyrilega fyrir myndina The Machinist og Tom Hanks sem grennti sig fyrir The Castaway.