Endurskoðar þjónustusamning ríkisins við RÚV

Menntamálaráðherra hefur tekið til endurskoðunar þjónustusamning ríkisins við RÚV. Þetta kom fram í máli Katrínar Jakobsdóttur menntamálaráðherra á Alþingi í dag.

Katrín sagði að samningurinn hefði verði gerður þegar RÚV var gert að opinberu hlutafélagi. Katrín sagði að nauðsynlegt væri að móta betur þær kröfur sem ríkið setur á RÚV.

Höskuldur Þórhallsson var málshefjandi í utandagskrárumræðum sem fóru fram um RÚV á Alþingi í dag. Höskuldur lýsti miklum vonbrigðum yfir niðurskurði á svæðisstöðvum RÚV. Sagðist hann meðal annars óttast að fréttaflutningur af málefnum sem tengdust ekki höfuðborgarsvæðinu yrði mjög einsleitur.