Drogba: Heiður að spila á svona leikvangi

Didier Drogba reyndist gulls ígildi enn eina ferðina fyrir Chelsea í dag er liðið komst í úrslit ensku bikarkeppninnar með sigri á Aston Villa, 3-0.

„Ég segi alltaf að ég sé heppinn. Það er heiður fyrir mig að vera hér og spila á svona frábærum leikvangi," sagði auðmjúkur Drogba eftir leikinn en hann skoraði fyrsta mark leiksins á 67. mínútu.

„Enska bikarkeppnin er mjög sérstök í okkar huga og ég reyni alltaf að skora í svona leikjum ef ég get. Ég fékk tvö færi á undan en var óheppinn. Þriðja færið fór síðan í markið," sagði Drogba.