Ögrar Brown í máli Íslands

Á vef breska dagblaðsins Daily Mail er David Miliband, utanríkisráðherra, sagður ögra og bjóða Gordon Brown, forsætisráðherra, birginn með því að segja að Bretar styðji umsókn Íslands að Evrópusambandinu þrátt fyrir Icesave deiluna.

Össur Skarphéðinsson, utanríkisráðherra, ræddi við Miliband í dag um stöðu Icesave málsins. Í viðtali við Reuters sagði Össur að Miliband hafi fullvissað sig um að Bretar myndu ekki beita sér gegn Íslandi og aðildarumsókn þeirra inn í ESB þrátt fyrir harðvítugar deilur um Icesacve. „Ég fékk leyfi til þess að segja það opinberlega að þessi deila mun ekki hafa áhrif á umsóknina um Evrópusambandið," sagði Össur í dag.

Í frétt Daily Mail segir að ummæli breska utanríkisráðherrans séu þvert á það sem haft hefur verið hingað til eftir heimildarmönnum innan breska forsætisráðuneytisins um Icesave málið. Þetta sýni vel ólguna innan Verkamannaflokksins og að ósamkomulagið milli ráðherranna. Margir telja að Miliband verði arftaki Brown sem formaður Verkamannaflokksins.