Innlent

Bretar beita sér ekki gegn umsókn um ESB

Össur Skarphéðinsson, utanríkisráðherra, sagði í viðtali við Reuters fyrir stundu að David Miliband, utanríkisráðherra Bretlands, hafi fullvissað sig um að Bretar myndu ekki beita sér gegn Íslandi og aðildarumsókn þeirra inn í ESB þrátt fyrir harðvítugar deilur um Icesacve.

„Ég fékk leyfi til þess að segja það opinberlega að þessi deila mun ekki hafa áhrif á umsóknina um Evrópusambandið," sagði Össur í viðtali við Reuters en Vísir greindi frá því fyrr í dag að Össur hefði átt símafund við Milibrand í dag.

Þá sagði Össur að þeir hefðu farið yfir stöðuna og að Miliband hafi verið vonsvikinn vegna synjunar forsetans. Össur sagði að það væri þungt hljóðið í Bretum. Þá sagði Össur ennfremur að það væru engar vísbendingar um að Bretar myndu beita sér gegn Íslendingum innan AGS.

Í viðtali við Reuters sagði Össur að ef Norðurlandaþjóðirnar lánaðu ekki Íslandi peninginn sem búið var að lofa þá yrði það hræðilegt áfall fyrir efnahaginn hér á landi.






Tengdar fréttir

Miliband hafði ekki tíma til að tala við Össur

Össur Skarphéðinsson utanríkisráðherra átti ekki símafund með David Miliband, utanríkisráðherra Bretlands, í gær eins og stóð til. Ástæðan er mikið annríki hjá forystumönnum breska verkamannaflokksins vegna upplausnar sem varð í flokknum í gær þegar að tveir þingmenn hans lýstu vantrausti á Gordon Brown, forsætisráðherra og leiðtoga flokksins. Gert er ráð fyrir að Össur og Miliband ræði saman í dag.

Össur búinn að ræða við Miliband

Össur Skarphéðinsson utanríkisráðherra átti símafund með David Miliband, utanríkisráðherra Breta, eftir hádegið í dag. „Við fórum yfir stöðuna og það var alveg ljóst að hann þekkti hana mjög vel. Hann var vonsvikinn yfir þessu og það er þungt hljóð í Bretum" sagði Össur eftir símafundinn. Þá sagði Miliband ennfremur við Össur að það væru engar vísbendingar um að Bretar myndu beita sér gegn Íslendingum innan AGS.

Mest lesið


Fleiri fréttir

Sjá meira


×

Mest lesið