Landon Donovan farinn heim

Bandaríkjamaðurinn, Landon Donovan, er snúinn aftur heim eftir 10 vikna veru í herbúðum Everton. Donovan var á láni frá Los Angeles Galaxy.

David Moyes, stjóri Everton vildi halda Donovan lengur en það gekk ekki upp og hefur hann nú sagt sitt síðasta á Englandi í bili.

Leikmaðurinn spilaði vel fyrir Everton-liðið þennan tíma sem hann var hjá liðinu og gerði Everton allt til þess að framlengja tíma hans hjá félaginu.

Þrátt fyrir miklar tilraunir til að famlengja tíma Donovan hjá félaginu þá mun hann snúa aftur til síns félag, LA Galaxy en deildin hefst þar í landi þann 27. mars.