Samkvæmt heimildum Sky Sports fréttastofunnar hafa forráðamenn Portsmouth sótt um sérstaka undanþágu til stjórnar ensku úrvalsdeildarinnar til þess að fá að selja leikmenn frá félaginu þrátt fyrir að félagaskiptaglugginn sé lokaður á Englandi.
Portsmouth situr í skuldasúpu og munu forráðamenn Portsmouth ætla að freistast til þess að einhverja leikmenn núna strax til að grynnka á skuldum í stað þess að bíða með söluna þangað til næsta sumar.
Nadir Belhadj, Kevin-Prince Boateng og Marc Wilson hafa verið nefndir til sögunnar sem líklegir leikmenn sem félagið ætli að losa sig við sem fyrst.
Portsmouth er jafnframt að leita eftir nýjum eigendum sem geta komið inn með peninga til þess að greiða niður skuldir en fyrir utan að skulda um 11,5 milljónir punda í ógreidda skatta þá er félagið meðal annars enn sagt skulda fyrrum eigandanum Alexandre Gaydamak tæplega 30 milljónir punda.
