Lasermálið upplýst: 14 ára drengur játaði verknaðinn

Fjórtán ara piltur játaði fyrir lögreglunni á Akureyri síðdegis í gær, að hafa beint sterkum Laser-geisla að stjórnklefa Fokker vél Flugfélags Íslands, þegar hún var í aðflugi að Akureyrarflugvelli í fyrrakvöld, og þar með truflað störf flugmannanna.

Hann notaði til þess öflugan Laser penna með grænu ljósi, sem lýsir margfalt upp, samanborið við rauða geisla eins og iðnaðarmenn nota til dæmis, og er sala á þessum pennum bönnuð hér á landi.

Pilturinn keypti pennann á tilteknum stað í Reykjavík og verður það kannað nánar. Pilturinn lýsti út um glugga heima hjá sér, sem er Vaðlaheiðarmegin við Akureyri, eins og flugmennirnir gátu sér til um.