Stjórnarkreppa blasir við í Bretlandi

Stjórnarkreppa blasir við í Bretlandi verði úrslit kosninganna þar í landi í vor eitthvað í líkingu við nýjustu könnun breska blaðsins The Guardian.

Samkvæmt könnuninni hefur stuðningur við íhaldsflokkinn dalað verulega og hefur flokkurinn ekki mælst minni í tvö ár í mánaðarlegri könnun blaðsins. Íhaldsmenn hafa nú sjö prósenta meirihluta og missa þeir þrjá þingmenn frá síðustu könnunn. Verkamannaflokkurinn bætir við sig einum manni, Frjálslyndir demókratar tapa einum og aðrir flokkar bæta við sig þremur.

Yrði þetta niðurstaðan næði enginn flokkur hreinum meirihluta á þinginu en það gerðist aðeins tvisvar sinnum á síðustu öld, árið 1974 og á millistríðsárunum.

Þá bendir blaðið einnig á að stór hluti könnunarinnar hafi verið framkvæmdur áður en fregnir fóru að berast af hegðun Gordons Brown í Downingstræti 10 en starfsmenn forsætisráðuneytisins hafa sagt hann vera afar erfiðan í samskiptum og jafnvel að hann eigi það til að leggja hendur á undirmenn sína.