Ríkið láti gera stærri flugstöð

Bæjarráð Akureyrar vill að flugstöð og flughlað á Akureyrarflugvelli verið stækkað sem fyrst og tekur þar með undir áskorun þess efnis frá stjórn Markaðsstofu ferðamála á Norðurlandi.

„Millilandaflug á heilsársgrundvelli kemur til með að skapa ferðaþjónustunni á Norður- og Austurlandi algjörlega nýjan rekstrargrundvöll, efla arðsemi, nýsköpun og þróun í ferðaþjónustu og mun hafa jákvæð áhrif á aðra atvinnustarfsemi á landsbyggðinni sérstaklega yfir vetrartímann,“ segir bæjarráð sem kveður eðlilegt að framkvæmdin verði greidd af samgönguáætlun ríkisins. Ekki sé rétt að leggja kostnaðinn eingöngu á flugrekendur og þar með notendur mannvirkisins.- gar