28 lögaðilar grunaðir um brot á gjaldeyrisviðskiptum

Alls hafa 28 málum lögaðila, sem grunaðir eru um brot á gjaldeyrislögum, verið vísað til Fjármálaeftirlitsins samkvæmt Gylfa Magnússyni, viðskiptaráðherra.

Þetta upplýstu hann eftir að Ásbjörn Óttarsson, þingmaður Sjálfstæðisflokksins, spurði hann til hvaða aðgerða yrði gripið af hálfu stjórnvalda vegna brota á gjaldeyrisreglum. Þá spurði Ásbjörn einnig hvernig væri mögulega hægt að koma í veg fyrir brot á gjaldeyrislögum.

Þá vekur athygli að svar Gylfa byggist eingöngu á upplýsingum Fjármálaeftirlitsins þar sem Seðlabanki Íslands hefur ekki svarað ráðuneytinu þrátt fyrir ítrekaðar tilraunir að sögn Gylfa.

Efnahagsbrotadeild Ríkislögreglustjóra framkvæmdi meðal annars húsleitir í lok janúar í máli sem tengjast grun um brot á gjaldeyrislögum.

Fjármálaeftirlitið kærði málið til lögreglu og tóku 30 starfsmenn þátt í húsleitunum sem framkvæmdar voru í fyrirtækjum og á heimilum.

Meðal þeirra sem lágu undir grun vegna málsins var fyrrverandi handboltakappinn Markús Máni Michaelsson.

Heildarvelta fyrirtækisins á tímabilinu sem er til skoðunar er 48 milljarðar króna en grunur leikur á um 13 milljarða svik. 100 aðilar voru í viðskiptum við Aserta.

Þegar þetta mál komst í fjölmiðla voru 25 mál tengd brotum á gjaldeyrislögum til skoðunar. Því hafa þrjú mál bæst í hópinn síðasta mánuðinn.