Davíð Oddsson með milljónir í laun

Ritstjórar Morgunblaðsins eru samtals með um 6 milljónir í mánaðarlaun. Morgunblaðið er sem kunnugt í eigu Guðbjargar Matthíasdóttur frá Vestmannaeyjum sem er skattadrottning Íslands í ár.

Laun Davíðs eru samkvæmt álagningarskrá um 3,8 milljónir. Laun meðritstjóra hans, Haraldar Jóhannesen eru rúmar 1,5 milljónir. Þó verður að taka með í reikninginn að þegar Davíð hætti í Seðlabankanum átti hann rétt á sex mánaða biðlaunum eða launum til loka ágúst 2009. Auk þess sem hann þiggur eftirlaun samkvæmt hinum umdeildu eftirlaunalögum, sem raunar hafa verið numin úr gildi.

Annar ritstjóri Morgunblaðsins, Ólafur Stephensen sem var sagt upp á Morgunblaðinu þegar Davíð tók við og ritstýrir nú Fréttablaðinu, er með 1,4 milljónir í mánaðarlaun.