Benitez: Skrýtinn vítaspyrnudómur

Rafael Benitez, stjóri Liverpool, var ekki hrifinn af „dýfu" Antonio Valencia, leikmanns Manchester United, er hann fískaði víti í leik liðanna í dag sem endaði með 2-1 sigri United.

„Þeir fengu vítið of snemma í leiknum en það eru vangaveltur um þennan vítaspyrnudóm," sagði Benitez ósáttur eftir leikinn í dag.

„Þegar þú horfir á endursýninguna þá er vafasamt hvernig hann fellur í jörðina. Ég er ekki viss en þetta var skrýtið".

„Þetta hafði mjög mikil áhrif á leikinn. Við vorum að spila vel, vorum með sjálfstraust en þetta atvik breytti öllu," sagði Benitez vonsvikinn.

Hann talaði einnig um að Sir Alex Ferguson, stjóri United, hefur mikil áhrif á dómarana og finnst oft á tíðum dæmt gegn sínum mönnum í Liverpool.

„Stundum hefur dómgæslan verið á móti okkur en ég held að Howard Webb sé góður dómari. Hann er atvinnumaður og þó svo að við vitum að Ferguson hefur áhrif á alla dómara þá held ég að svo hafi ekki verið í dag".