Katrín: Get ekki rekið Pál

Katrín Jakobsdóttir menntamálaráðherra segist ekki geta rekið Pál Magnússon útvarpsstjóra. Þetta kom fram í svari við fyrirspurn sem borin var upp á á fundi, sem VG hélt í dag um málefni Ríkisútvarpsins.

Húsfyllir var á fundinum en þar fjölluðu þær Katrín og Svanhildur Kaaber stjórnarformaður RÚV um málefni stofnunarinnar og svöruðu spurningum fundargesta.

Fjölmargar spurningar lutu að útvarpsstjórarnum og var krafa margra fundargesta að Páll yrði látinn hætta, enda hefði hann veið ráðinn af menntamálaráðherra Sjálfstæðisflokksins og væri því „handvalinn fulltrúi þeirra afla," eins og einn orðaði það.

Katrín sagði það ekki á sinni könnu að reka útvarpsstjórann eins og áður sagði og þegar hún var spurð að því hver gæti það svaraði hún: „Stjórnin".

Stjórnarformaðurinn Svanhildur neitaði hinsvegar að svara nokkru varðandi Pál eða aðra starfsmenn RÚV.

Alþingi hefur störf að nýju á morgun og á meðal fyrstu verka verður að kjósa í nýja stjórn Ríkisútvarpsins.