Allt í mínus hjá Jessicu

Jessica Simpson lék á dögunum aukahlutverk í þáttunum Entourage, en tökur á sjöundu þáttaröðinni standa nú yfir. Jessica fékk ekki eigið hjólhýsi meðan á tökum stóð, heldur þurfti að deila einu slíku með klámmyndaleikkonunni Söshu Grey.

Þessar fréttir þykja ekki koma á óvart miðað við hvert ferill Jessicu hefur stefnt upp á síðkastið. Hún hefur ekki tjáð sig um að þurfa deila hjólhýsinu og klámmyndaleikkonan er þögul sem gröfin um fund þeirra. Til þess að gera þetta enn þá leiðinlegra fyrir aumingja Jessicu þá var nafn hennar fyrir neðan nafn Söshu.