Flúoró-amfetamínsmyglari úr gæsluvarðhaldi

Hæstiréttur hefur fellt úr gildi gæsluvarðhaldsúrskurð Héraðsdóms Reykjaness yfir þrítugum íslenskum karlmanni sem flutti með sér flúoró-amfetamín til landsins fyrir tveimur mánuðum.

Maðurinn var handtekinn við komuna í Leifsstöð frá Berlín upp úr miðnætti aðfaranótt 15. desember.

3,7 kíló af flúoró-amfetamíni fundust í ferðastöku mannsins. Hann hefur setið í varðhaldi síðan þá á grundvelli rannsóknarhagsmuna en rannsókn lögreglu er lokið. Efnið er ekki á skrá yfir ólögleg ávanaefni.

Héraðsdómur framlengdi í fyrradag varðhaldið til 9. mars en Hæstiréttur komst að þeirri niðurstöðu í dag að maðurinn þyrfti ekki að sæta áfram gæsluvarðhaldi vegna almannahagsmuna.