Lescott meiddist illa gegn Fulham

Enski landsliðmaðurinn og leikmaður Manchester City, Joleon Lescott, meiddist illa á læri í leik liðsins gegn Fulham í dag. Roberto Mancini, stjóri City, staðfesti þetta eftir leikinn í dag.

Fabio Capello, landsliðsþjálfari Englendinga, horfir á sjúkralistann sinn stækka óhugnalega hratt þessa dagana en nú þegar eru David Beckham, Aaron Lennon, Asley Cole og Jermain Defoe allir meiddir.

„Lescott fann fyrir einhverju í upphitunni og það kom í ljós að það var slæmt. Ég er nokkuð viss um að hann spili ekki leikinn gegn Everton í næstu umferð. Ég veit heldur ekki hversu lengi hann verður frá, það kemur í ljós þegar hann fer í skoðun," sagði Roberto Mancini, stjóri City eftir leikinn í dag.