Ancelotti: Þetta verður miklu erfiðara núna

Carlo Ancelotti, stjóri Chelsea, segir að titilvonir liðsins hafi minnkað eftir 1-1 jafntefli liðsins gegn Blackburn í dag.

„Þetta verður miklu erfiðara núna en við eigum enn góða möguleika. Við erum vonsviknir því við töpuðum tveimur dýrmætum stigum í dag," sagði Carlo Ancelotti eftir leikinn.

„Við vorum vel undirbúnir fyrir þennan leik og reyndum að hugsa ekki um tapið gegn Inter í meistaradeildinni. Það reyndist okkur erfitt á köflum í leiknum og hefur áhrif á sjálfstraustið í liðinum," bætti Acelotti við.

„Við eigum minni möguleika á að vinna deildina núna en við munum gefa allt sem við eigum í leikina sem eftir eru. Ég veit ekki hversu mörg stig við þurfum til að vinna titilinn en við þurfum að undirbúa okkur mjög vel fyrir hvern einasta leik, en við tökum einn leik í einu," sagði Carlo Ancelotti að lokum.