Þrír dæmdir í fangelsi fyrir umsvifamikið kókaínsmygl

Jón Hákon Halldórsson skrifar 12. júlí 2010 11:05

Dómurinn var kveðinn upp í Héraðsómi Reykjavíkur í morgun.

Héraðsdómur Reykjavíkur dæmdi 22 ára gamlan karlmann, Andra Þór Valgeirsson, í þriggja ára fangelsi fyrir kókaínsmygl í dag. Þá var par, Reynir Magnús Jóelsson og Elsa Rún Erlendsdóttir, dæmd í tveggja ára fangelsi fyrir aðild að smyglinu.

Sannað þótti að fólkið hafi staðið að innflutningi á 1,7 kílóum af kókaíni frá Alicante á Spáni í vor. Efnið var falið í þremur ferðatöskum sem lögreglumenn lögðu hald á í Leifsstöð.

Andri Þór var dæmdur fyrir að hafa lagt á ráðin um smyglið en þau Reynir Magnús og Elsa Rún fluttu það um Leifsstöð að beiðni hans. Fjórði aðilinn, 25 ára gömul kona, var dæmd fyrir vörslu á maríjuana.

Lögmenn fólksins sem hlaut tveggja ára dóm sögðu fyrir fréttamann Vísis eftir dómsuppkvaðningu að ekki væri gert ráð fyrir að málinu yrði áfrýjað.

Málið sem dæmt var í í morgun tengist öðru umsvifamiklu fíkniefnamáli en það mál var þingfest í Héraðsdómi Reykjavíkur í síðustu viku.

Tengdar fréttir

Burðardýr eiturlyfja héldu sig fá milljónir

Par á þrítugsaldri gerði ráð fyrir að fá þrjár til fjórar milljónir fyrir að smygla tæpum 1,8 kílóum af kókaíni í þremur ferðatöskum hingað til lands.

7. júlí 2010 08:30

Meintur kókaínsmyglari áfram í gæsluvarðhaldi

Hæstiréttur staðfest úrskurð Héraðsdóms Reykjavíkur um áframhaldandi gæsluvarðhaldi yfir Davíð Garðarssyni vegna meints fíkniefnainnflutning.

6. júlí 2010 16:34

Sakaðir um kókaínsmygl og milljónasölu á fíkniefnum

Tveimur mönnum af fimm, sem ákærðir hafa verið fyrir smygl á tæplega 1,6 kílóum af kókaíni til landsins, er einnig gefið að sök að hafa selt fíkniefni fyrir samtals 8,5 milljónir króna, auk sölu skartgripa fyrir tvær milljónir.

8. júlí 2010 06:00

Seldu fíkniefni fyrir milljónir

Tveir af mönnunum fimm sem ákærðir eru fyrir stórfellt fíkniefnasmygl frá Alicante á Spáni í mars og apríl eru einnig ákærðir að hafa staðið að sölu fíkniefna um nokkurt skeið fram í apríl síðastliðinn. Orri Freyr Gíslason er

7. júlí 2010 10:15

Einn játar sök en segist ekki kannast við Davíð

Einn af fimm sem hafa verið ákærðir fyrir stórfelldan kókaíninnflutning játaði sök í Héraðsdómi Reykjavíkur í morgun. Maðurinn, sem heitir Pétur Jökull Jónasson, sagðist þó ekki geta staðfest að Davíð Garðarsson hefði átt hlut að máli.

7. júlí 2010 10:18

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.