Cole sektaður og hugsanlega settur á sölulista

Breskir fjölmiðlar greina frá því í dag að eigandinn Roman Abramovich hjá Chelsea sé bálreiður yfir enn einu hneykslinu sem leikmenn hans hafa valdið á undanförnum vikum.

Fyrst var það John Terry og nú hefur Ashley Cole tekið við keflinu en daglega birtast nú fréttir af framhjálhöldum leikmannsins og ýmsum uppátækjum hans í tengslum við þau.

The Times greinir frá því að hinn 29 ára gamli leikmaðurinn, sem meiddist nýverið og verður hugsanlega frá í þrjá mánuði, verði sektaður um 400 þúsund pund eða um 80 milljónir íslenskra króna fyrir að sverta mannorð félagsins.

Daily Mail gengur hins vegar skrefinu lengra og segir að Lundúnafélagið ætli ásamt sektar að setja vinstri bakvörðinn á sölulista strax næsta sumar.