Flugumferðarstjórar undirbúa verkfall

Flugumferðarstjórar samþykktu einróma á aðalfundi sínum í kvöld að undirbúa strax atkvæðagreiðslu um verkfallsboðun. Gera má ráð fyrir að niðurstaða atkvæðagreiðslunnar liggi fyrir undir lok vikunnar.

„Kjarasamningar flugumferðarstjóra hafa verið lausir frá því í október 2009 eða í um fjóra mánuði. Viðræður hófust við Samtök atvinnulífsins um nýjan kjarasamning í október. Þær skiluðu ekki árangri og var málinu vísað til ríkissáttasemjara í nóvember 2009," segir í greinargerð sem tillögunni sem flugumferðastjórar samþykktu.

„Skemmst er frá að segja að hvorki hefur gengið né rekið í samningaviðræðunum og því er lagt til að FÍF undirbúi aðgerðir til stuðnings kröfum sínum um nýjan kjarasamning."