Borgarafundur á Akureyri

Næstkomandi fimmtudag fer fram borgarafundur í Deiglunni á Akureyri.

Yfirskrift fundarins er: Eitthvað jákvætt?

Á fundinum munu fulltrúar ýmissa stofnanna, nefnda og samtaka upplýsa bæjarbúa um þá grasrótarstarfsemi sem fram fer á Akureyri, hvernig er hlúð að atvinnulausum á svæðinu, segja frá nýsköpun og horfum varðandi ný atvinnutækifæri í Eyjafirðinum, að fram kemur í tilkynningu.

Fundargestum gefst tækifæri til að koma með fyrirspurnir og ábendingar í lok hverrar kynningar.

Fulltrúarnir sem um ræðir koma frá eftirtöldum:

Byltingu fíflanna

Borgarafundanefnd Akureyrar

Grasrót: Iðngarða og nýsköpunar

Almannaheillanefnd

Starfsendurhæfingu Norðurlands

Ungt fólk til athafna

Rósenborg: Möguleikamiðstöð

Atvinnuþróunarfélagi Eyjafjarðar

Fundurinn hefst klukkan 20.