Skólabörn gengu við trommuslátt í rigningunni

Nemendur og starfsfólk Grunnskólans á Hólmavík fóru í sameiginlega gönguferð um bæinn í tilefni af alþjóðlega Göngum í skólann-dagsins sem var í gær. Nemendurnir gengu við fjörugan trommuslátt og sungu hin ýmsu lög í rigningunni.

Að sögn starfsfólks skólans var frábært að sjá flottu skiltin, fánana, borðana og hristurnar sem krakkarnir höfðu búið til og báru í göngunni.

Til að magna upp stemninguna sungu krakkarnir síðan uppbyggjandi baráttusöngva sem heyrðust um bæinn.

Að göngu lokinni var haldið aftur í skólann þar sem allir gæddu sér á hollum, girnilegum og ljúffengum veitingum í borði Kaupfélags Steingrímsfjarðar og Arion banka.

Þátttakan í átakinu var með eindæmum góð þar sem nemendur og starfsfólkgengu eða hjóluðu í skólann í eina viku.