Pólskur klámmyndaframleiðandi var viðhald Mel Gibson

Mel Gibson og barnsmóðir hans, rússneska tónlistarkonan Oksana Grigorieva, slitu sambandi sínu í síðasta mánuði.

Grigorieva sagði sambandsslitin hafa gerst skyndilega og að hún gæti ekki tjáð sig um málið en að sannleikurinn ætti eftir að koma í ljós. Nú hefur pólsk glamúrfyrirsæta, sem einnig er titluð sem klámmyndaframleiðandi, Violet Kowal, komið fram og sagst hafa átt í þriggja mánaða löngu ástarsambandi við Gibson á meðan Grigorieva var ólétt.

„Það kemur mér alls ekki á óvart að þau hafi hætt saman. Mel getur ekki verið einni konu trúr," sagði Kowal sem stóðst lygapróf sem tímaritið National Enquirer lagði fyrir hana. Talsmaður Gibson segir þó söguna vera uppspuna.