Ótrúleg endurkoma KR tryggði þeim fyrsta sigurinn

KR vann sinn fyrsta leik í Pepsi-deild karla í kvöld þegar liðið bar sigurorð af Fram, 2-3 í laugardalnum. Fram komst í 2-0 en KR kom sterkt til baka og tryggði sér öll stigin.

Fyrri hálfleikur var að mestu tíðindalítill en Framarar komust yfir rétt fyrir hálfleikinn. Þá stóð Lars Ivar Moldskred, markmaður KR sem átti mjög slakan leik, framarlega í markinu þegar Ívar Björnsson skallaði fyrirgjöf frá Sam Tillen í markið.

Staðan 1-0 í hálfleik og Jón Guðni Fjóluson bætti svo við marki eftir 56. mínútur eftir sendingu frá Hjálmari þórarinssyni. KR var byrjað að pressa en Fram refsaði með vel útfærðri skyndisókn.

KR bætti enn í sóknina og uppskar mark þegar Grétar Sigfinnur Sigurðarson stangaði aukaspyrnu frá Óskari Erni Haukssyni í netið, 2-1 og korter eftir.

KR var aðeins þrjár mínútur að jafna leikinn. Björgólfur Takefusa skoraði þá eftir sendingu frá Diogo og staðan skyndilega orðin 2-2.

Og Björgólfur fullkomnaði frábæra endurkomu KR þegar hann skoraði þriðja markið rétt fyrir leikslok og tryggði KR þar með dramatískan sigur eftir sendingu frá Baldri Sigurðssyni.

Fram-KR 2-3

Laugardalsvöllur

Áhorfendur: 1562

Dómari:Þóroddur Hjaltalín, Jr. (6)

Mörkin:

1-0 Ívar Björnsson (45+1)

2-0 Jón Guðni Fjóluson (56.)

2-1 Grétar Sigurðarson (74.)

2-2 Björgólfur Takefusa (79.)

2-3 Björgólfur Takefusa (85.)

Tölfræðin:

Skot (á mark): 10-14 (5-6)

Varin skot: Hannes 3 - Lars 3

Horn: 7-1

Aukaspyrnur fengnar: 16-10

Rangstæður: 3-0

Fram: (4-3-3)

Hannes Þór Halldórsson 5

Daði Guðmundsson 5

Jón Orri Ólafsson 6

Kristján Hauksson 6

Sam Tillen 5

Halldór Hermann Jónsson 6

(88., Tómas Leifsson -)

Jón Gunnar Eysteinsson 6

Jón Guðni Fjóluson 7

Almarr Ormarsson 6

Ívar Björnsson 6

(88., Guðmundur Magnússon -)

Hjálmar Þórarinsson 5

(57., Joseph Tillen 4)

KR (4-4-2)

Lars Ivar Moldsked 4

Eggert Rafn Einarsson 4

(74., Gunnar Kristjánsson -)

Skúli Jón Friðgeirsson 5

Grétar Sigfinnur Sigurðsson 5

Guðmundur Reynir Gunnarsson 6

Óskar Örn Hauksson 5

Baldur Sigurðsson 6

Bjarni Guðjónsson 6

Jordao Diogo 7

Björgólfur Takefusa 7 - maður leiksins -

Kjartan Henry Finnbogason 5

Fylgst var með leiknum á Boltavakt Vísis og Fréttablaðsins, KR - Fram.