Terry heimsækir öryggisvörðinn

John Terry, fyrirliði Chelsea, ætlar að heimsækja öryggisvörðinn sem hann keyrði á eftir leikinn gegn Inter í Meistaradeildinni.

Fjöldi ljósmyndara kepptust við að ná myndir af Terry og konu hans Toni, þegar þau yfirgáfu leikvanginn og svo fór að Terry keyrði óvart á öryggisvörð sem var að reyna að halda ágengum ljósmyndurum í burtu.

Hinn óheppni öryggisverður, Steve Rowley, marðist á fæti og tognaði á ökkla. „Þetta var ekki viljaverk, þetta var algjört slys," sagði Rowley eftir atvikið.

Terry keyrði í burtu enda tók hann ekki eftir því að hann keyrði yfir fótinn á Rowley, hann var yfirheyrður af lögreglunni en málinu er lokið. Fyrst var talði að Rowley hefði fótbrotnað en meiðslin reyndust ekki eins alvarleg og talið var í fyrstu.