Efnt til herferðar

Umfangsmikið kynningarátak Iceland Naturally í Bandaríkjunum nær til á milli 30 og 40 milljóna manna á ári hverju. Meðal þess sem ráðast á í á þessu ári eru stórar kynningarherferðir á íslenskri ferðaþjónustu, sjávarafurðum, endurnýjanlegri orku og tækni. Íslenskir úrvalskokkar munu elda fyrir almenning og tónleikar og kvikmynda- og listahátíðir haldnar.

Þetta kom fram á kynningu á verkefninu Iceland Naturally í fyrradag, en það er samstarfsverkefni ríkisstjórnar Íslands og íslenskra fyrirtækja sem starfa á mörkuðum Norður-Ameríku, og er rekið af aðalræðisskrifstofu Íslands og skrifstofu Ferðamálaráðs í New York. Markaðsaðgerðir verkefnisins eru byggðar á neytendakönnunum sem gerðar hafa verið annað hvert ár síðan 1999.- sh