Fellibylurinn Igor færist í aukana

Fellibylurinn Igor sækir nú í sig veðrið langt úti fyrir ströndum Dóminíska lýðveldisins en stormurinn er á vesturleið. Vindhraði mælist nú 220 kílómetrar á klukkustund í mestu kviðunum og að sögn bandarísku veðurstofunnar hefur stormurinn aukist hratt síðustu klukkutíma.

Enn er of snemmt að segja til um hvort Igor láti finna fyrir sér á einhverjum hinna karabísku eyja, en talið er líklegt að hann fari yfir Bermúda. Igor er fjórði fellibylur þessa árs á Atlantshafi.