Fluttu þakkir 27 þúsund Íslendinga

Kristján L. Möller samgönguráðherra tók í gær á móti þremur fulltrúum undirskriftasöfnunar vegna tvöföldunar Suðurlandsvegar.

„Fyrir hönd þeirra 27 þúsund Íslendinga sem skorað hafa á Alþingi og ríkisstjórn að ráðast í tvöföldun Suðurlandsvegar viljum við þakka samgönguráðherra hr. Kristjáni Möller fyrir þann áfanga sem nú hefur verið ákveðið að bjóða út,“ sagði í ávarpi þremenninganna sem afhentu ráðherra einnig allar undirskriftirnar.

„Jafnframt treystum við því að framhaldið verði farsælt og óhindrað,“ bættu gestirnir við í ávarpinu. - gar