Rannsóknarskýrsla Alþingis enn á toppnum

Rannsóknarsskýrsla Alþingis trónir enn á toppi lista yfir mest seldu bækur á Íslandi frá áramótum, samkvæmt nýjum tölum sem gefnar voru út í morgun.

Listinn byggir á upplýsingum frá flestum bóksölum landsins og öðrum verslunum sem selja bækur. Rannsóknasetur verslunarinnar tekur saman listann á tveggja vikna fresti fyrir Félag íslenskra bókaútgefenda. Í öðru sæti listans er skáldsagan Póstkortamorðin. Í þriðja sæti er svo skáldsagan Góða nótt, yndið mitt.

Rannsóknarskýrslan kemst hins vegar ekki á lista yfir tíu mest seldu bækur á síðustu tveimur vikum. Þar trónir skáldsagan Það sem mér ber á toppnum, bókin Makalaus er í öðru sæti og Vegahandbókin 2010 er í þriðja sæti.