Setti fyrirvara við störf Runólfs

Árni Páll Árnason félagsmálaráðherra hefur sent frá sér yfirlýsingu vegna málefna umboðsmanns skuldara. Í henni segir Árni Páll að hann hafi tjáð Runólfi Ágústssyni að hann gæti ekki setið í starfi ef hann hefði notið kjara sem almenningi stæðu ekki til boða.

Yfirlýsingin hljóðar svo: "Ég hef tekið tvær ákvarðanir í málum varðandi ráðningu umboðsmanns skuldara. Sú fyrri var að ráða þann sem hæfastur var metinn í hæfnismati. Sú síðari var að biðja þann sama mann um upplýsingar um skuldastöðu hans og félaga í hans eigu, vegna opinberrar umræðu um skuldaskil sem mér voru ókunn.

Í símtali gerði ég honum grein fyrir því að ég teldi þörf á að allt væri uppi á borði í skuldamálum umboðsmanns og að hann gæti ekki setið í starfi ef að hann hefði notið kjara sem almenningi stæðu ekki til boða.

Árni Páll Árnason."