Chelsea aftur á toppinn eftir 3-1 sigur á West Ham - stórsigur Bolton

Florent Malouda lagði upp tvö fyrstu mörk Chelsea og skoraði síðan það þriðja sjálfur þegar Chelsea komst aftur á topp ensku úrvalsdeildarinnar með 4-1 sigri á West Ham á Stamford Bridge í dag.

Dider Drogba skoraði tvö mörk í leiknum og Chelsea er með eins stigs forskot á Manchester United sem spilar á morgun.

Florent Malouda lagði upp skallamark fyrir Alex á 16 mínútu en Scott Parker jafnaði metin fyrir West Ham með stórglæsilegu skoti 14 mínútum síðar.

Didier Drogba kom Chelsea síðan aftur yfir eftir sendingu Malouda á 55. mínútu áður en Malouda skoraði sjálfur þriðja markið þrettán mínútum fyrir leikslok. Dider Drogba innsiglaði síðan sigurinn með sínu öðru marki sínu í lok leiksins.

Grétar Rafn Steinsson og félagar í Bolton unnu frábæran 4-0 sigur á Wigan á heimavelli og eru búnir að fjarlægast botnbaráttuna með þremur sigrum í síðustu fjórum leikjum.

Wolves vann 2-1 útisigur á Burnley í sex stiga úrslitaleik í fallbaráttunni og Burnley situr því eftir í fallsæti ásamt Portsmouth og Hull sem mætir Arsenal seinna í kvöld.



Úrslit og markaskorarar í leikjum ensku úrvalsdeildarinnar í dag:



Tottenham-Blackburn 3-1

1-0 Jermain Defoe (45.+1), 2-0 Roman Pavlyuchenko (55.), 2-1 Christopher Samba (80.) 3-1 Roman Pavlyuchenko (85.)

Birmingham-Everton 2-2

0-1 Victor Anichebe (19.), 0-2 Aiyegbeni Yakubu (22.), 1-2 Cameron Jerome (26.), 2-2 Craig Gardner (51.)

Bolton-Wigan 4-0

1-0 Johan Elmander (11.), 2-0 Kevin Davies (49.), 3-0 Fabrice Muamba (55.), 4-0 Matthew Taylor (70.)

Burnley-Wolves 1-2

0-1 Matthew Jarvis (25.), 0-2 Sjálfsmark (49.), 1-2 Steven Thompson (73.)

Chelsea-West Ham 4-1

1-0 Alex (16.), 1-1 Scott Parker (30.), 2-1 Didier Drogba (55.), 3-1 Florent Malouda (77.), 4-1 Didier Drogba (90.).



Stoke-Aston Villa 0-0

Leikur Hull og Arsenal hefst klukkan 17.30.