Ancelotti um Turnbull: Ég held bara að hann verði í markinu á móti Inter

Carlo Ancelotti, stjóri Chelsea, var ánægður með frammistöðu Ross Turnbull í 4-1 sigri á West Ham í ensku úrvalsdeildinni í dag. Ross Turnbull átti engan möguleika á að verja þrumuskot Scott Parker sem jafnaði leikinn.

„Hann stóð sig mjög vel, spilaði með miklu sjálfstrausti og sýndi að hann er sterkur persónuleiki og fyrirtaks markvörður," sagði Carlo Ancelotti og bætti við:

„Ég held bara að hann verði í markinu á móti Inter því við höfum trú á honum," sagði Ítalski stjórinn um Ross Turnbull. Chelsea mætir Inter Milan í seinni leik liðanna í 16 liða úrslitum Meistaradeildarinnar og það er ekki líklegt að Peter Cech eða Hilario verði orðnir góðir af meiðslum sínum þá.