Ross Turnbull í marki Chelsea í dag - Cech og Hilario meiddir

Carlo Ancelotti, stjóri Chelsea, hefur staðfest það að hinn 25 ára Ross Turnbull muni standa í marki liðsins á móti West Ham í ensku úrvalsdeildini í gær.

Portúgalinn Henrique Hilario hefur varið mark Chelsea í forföllum Tékkans Petr Cech en Hilario glímir nú við nárameiðsli og getur ekki spilað í dag.

Ross Turnbull hefur ekki spilað deildarleik með Chelsea á ferlinum en hann stóð í marki liðsins í 2-2 jafntefli á móti APOEL Nicosia í Meistaradeildinni í vetur.

Turnbull kom til liðsins á frjálsri sölu en hann var eign Middlesbrough frá 2002 til 2009 en var ítrekað lánaður á þeim tíma. Turnbull lék þó 27 deildarleiki fyrir Middlesbrough.

Varamarkvörður Chelsea í dag verður hinn 19 ára gamli Rhys Taylor sem hefur aldrei spilað með meistaraflokksliði félagsins.

Það er ekki ljóst hvort Petr Cech eða Hilario verðir orðnir góðir fyrir leikinn mikilvæga á móti Inter Milan í Meistaradeildinni á þriðjudaginn kemur.