Borgaði 850 þúsund fyrir símanúmer

Fjölskylduhjálp Íslands fékk í dag 850.000 króna peningagjöf frá símafyrirtækinu Nova. Gjöfin er þannig til komin að símafyrirtækið ákvað að gefa Fjölskylduhjálpinni andvirði sölu á símanúmerinu 777-7777.

Fyrirtækið setti af stað uppboð á heimasíðu sinni sem stóð í nokkra daga í byrjun mánaðarins. Viðbrögðin létu ekki á sér standa og bárust fjöldi tilboða í símanúmerið, sem kallað er „flottasta símanúmer í heimi," á heimasíðu Nova. Númerið var svo slegið hæstbjóðanda á 850.000 krónur og rann allt andvirðið beint til Fjölskylduhjálparinnar.