Liverpool vann kapphlaupið um hinn nýja Walcott

Liverpool hefur náð samningum um kaup á hinum eftirsótta Raheem Sterling frá QPR en kaupverðið er ekki gefið upp.

Hinn fimmtán ára gamli sterling var einnig undir smásjá Manchester United, Manchester City og Fulham en Liverpool náði að hreppa leikmanninn sem hefur verið kallaður hinn nýi Theo Walcott.

„Það er mikilvægt að við hlúum að unglingaliðum félagsins því framtíð félagsins veltur á þeim og við viljum með þessu undirstrika metnað okkar að fá bestu ungu leikmennina til félagsins.

Raheem er gríðarlegt efni og þar sem hann var mjög eftirsóttur þá erum við afar ánægðir með að hann hafi ákveðið að ganga til liðs við Liverpool," sagði Christian Purslow, stjórnarformaður Liverpool, í viðtali við opinbera heimasíðu félagsins.

Íslendingarnir Guðlaugur Victor Pálsson og Kristján Gauti Emilsson eru á mála hjá Liverpool.