Líklegt að Jóna fái að afplána heima

Góðar líkur eru á því að Jóna Denný Sveinsdóttir, sem hefur verið í haldi lögreglunnar í Perú eftir að hún var tekinn með tvö kíló af kókaíni, geti afplánað refsidóm hér á Íslandi.

Ástæðan fyrir þessu er sú að í Perú voru nýlega samþykkt lög sem heimila útlendingum í ákveðnum tilfellum að afplána refsidóma í heimalandi sínu. Lögin voru samþykkt til að létta á fangelsum landsins en þau eru yfirfull af útlenskum burðardýrum eins og Jónu Denný sem tekin var á alþjóðaflugvellinum í Líma.

Á annað þúsund útlendinga afplána nú refsidóma í Perú, meira en 90% þeirra vegna fíkniefnamála.

Ef Jóna Denný ætlar að nýta sér þessi nýju lög í Perú þarf hún fyrsta lagi að fallast á þann dóm sem dómari málsins dæmir, hún má ekki áfrýja og hún verður að greiða skaðbætur eða sekt sem dómari ákveður. Ef hún gerir þetta getur hún sótt um að fá að koma til Íslands og afplána dóminn hér á landi.