Blása nýju lífi í miðborgina

„Hugmyndin er sú að bæta ímynd þessarar götu, sem hefur því miður haft mjög slæmt orðspor á sér,“ segir Þórarinn Ívarsson, formaður félagasamtakanna Veraldarvina, sem vinna nú öttulega að endurbótum á gömlum húsum við Hverfisgötu sem hafa verið í niðurníslu um nokkurt skeið.

Þórarni finnst sorglegt að sjá hvernig Hverfisgatan hefur drabbast niður síðustu ár og vonar að með endurbótunum verði þar breyting á.

Húsin eru við Hverfisgötu 59 og 61, þar sem mótorhjólaklúbburinn Fáfnir var áður til húsa. Stefnt er að því að opna í húsinu menningarmistöð með fjölmenningarlegu sniði þegar framkvæmdum lýkur og því óhætt að segja að starfsemin verði með töluvert breyttu sniði.

Þetta er í annað sinn sem Veraldarvinir láta til sín taka á Hverfisgötunni. Á síðasta ári standsettu sjálfboðaliðar á vegum samtakanna þrjú hús við götuna og sinntu að auki léttum viðhaldsverkum fyrir nágrannana. Að þessu sinni ætla þeir að gerast enn stórtækari með því að taka fyrir þvergöturnar sem liggja frá Hverfisgötu upp að Laugavegi. „Við ætlum að blása nýju lífi í miðborgina,“ segir Þórarinn, en áætluð verklok eru í október.- rve/Híbýli og viðhald