Mancini ekki á leið til Juventus

Hinn ítalski stjóri Man. City, Roberto Mancini, hafnar því með öllu að hann sé á leið til Juventus í sumar eins og orðrómur var um helgina.

Sunday Mirror sagði Mancini hafa hitt stjórnarmann Juventus í London í síðustu viku er Juve var að spila gegn Fulham í Evrópudeildinni.

Mancini var á vellinum en hann segist eingöngu hafa verið að njósna um Fulham.

„Við erum að fara að mæta Fulham og þess vegna var ég á leiknum. Ég er heiðraður yfir því að vera orðaður við Juve en það er enginn sannleikur í þessum fréttum," sagð Mancini.