Aquilani er ekki að fara frá Liverpool

Umboðsmaður Ítalans Alberto Aquilani segir ekkert hæft í þeim orðrómi að skjólstæðingur sinn snúi aftur til Ítalíu næsta sumar.

Einhverjar fréttir voru um það á Englandi að forráðamenn Liverpool hefðu ákveðið að sætta sig við að það hefðu verið mistök að kaupa Aquilani og því væri best að selja hann aftur.

„Það eru ósannar sögur á sveimi. Leikmaðurinn er hamingjusamur á Englandi og verður hér áfram. Það er ekkert mál. Hann hefur ekki neinn áhuga á öðru en að spila áfram með Liverpool," sagði umbinn.