Nýr iPhone kynntur

Apple kynnti í kvöld nýjan iPhone farsíma, þann fjórða í röðinni. Hann er 24% þynnri en forverinn.

Steve Jobs, forstjóri Apple, sagði að þessar endurbætur væru stærsta stökkið frá því að Apple kynnti fyrsta símann, segir í frétt BBC.

Sérfræðingar segja að vinsældir iPhone gætu farið minnkandi vegna þess hve miklar hömlur Apple setur farsímaeigendur um hvað þeir geta gert í símanum.

Tvær myndavélar eru á símanum, ein að framan og ein að aftan, svo viðmælendur geta séð hvorn annan í símtalinu. Það er þó aðeins hægt í gegnum þráðlaust net en ekki símkerfi.

Síminn fer í sölu í 24. júní og mun kosta frá 199 dollurum til 299 (26 þúsund krónur til 39 þúsund). Ekki er vitað hvenær sala hefst á nýja iPhone símanum á Íslandi.