Meintur síbrotamaður ákærður fyrir hnífaárás

Nítján ára gamall piltur hefur verið ákærður fyrir ítrekuð og alvarleg brot sem hann framdi í fyrra.

Hann er meðal annars ákærður fyrir að hafa ráðist á konu með eggvopni á Ísafirði þann 15 október. Hann stakk hnífnum að bringusvæði hennar og í höndina þannig að hún hlaut skurð á handarbakið. Þá rispaði hann bifreið sem stóð við Seljalandsveg á Ísafirði með hnífnum þetta sama kvöld.

Pilturinn er jafnframt ákærður fyrir það að hafa ekið bifreið um Ísafjörð undir áhrifum áfengis og án ökuréttinda. Áfengismagnið í blóði hans mældist 1,30 prómíl, en það er umtalsvert hærra en lögleg mörk segja til um.

Ákæran gegn piltinum verður þingfest í Héraðsdómi Vestfjarða í dag