Petrov samdi við Bolton

Búlgarski vængmaðurinn Martin Petrov hefur ákveðið að spila með Bolton Wanderers á næstu leiktíð. Petrov kemur frá Man. City á frjálsri sölu.

Roberto Mancini, stjóri Man. City, hafði ekki áhuga á að framlengja samninginn við Búlgarann sem þar með gat samið við það lið sem hann vildi.

Petrov er sterkur leikmaður sem á eftir að styrkja lið Bolton. Hann var sérstaklega sterkur fyrst eftir að hann kom til City frá Atletico Madrid. Petrov spilaði 66 leiki fyrir City og skoraði í þeim leikjum 12 mörk.

Petrov er fyrsti leikmaðurinn sem Owen Coyle fær til Bolton í sumar.