Sam Allardyce ánægður með táninginn sinn

Sam Allardyce, stjóri Blackburn, var ánægður með varnarmanninn Phil Jones sem spilaði sinn fyrsta úrvaldsdeildar leik í 1-1 jafntefli gegn Chelsea í dag.

Jones sem er aðeins 18 ára gamall stóð sig vel með þá Didier Drogba og Nicolas Anelka ofan í sér og hrósaði stjóri hans honum í hástert eftir leikinn.

„Við teljum að Phil John hafi svipaða líkamsbyggingu og John Terry og þetta var frábær frumraun hjá honum," sagði Allardyce.

„Hann á bjarta framtíð fyrir höndum og hann mun halda áfram að vaxa."

„Ég veit hann sefur vært í nótt því að hann verður stoltur þegar að hann vaknar í fyrramálið," sagði Allardyce sáttur með strákinn.