Khan vorkennir kærustum knattspyrnumanna

Hnefaleikakappinn Amir Khan hefur ákveðið að tjá sig um þann fjölda knattspyrnumanna sem halda fram hjá eiginkonum sínum og kærustum.

Hvert hneykslismálið rekur annað í enska boltanum og þess utan hafa þrír knattspyrnumenn fengið dómsúrskurð sem bannar fjölmiðlum að fjalla um einkalíf þeirra.

"Ég finn til með kærustum þessara manna. Ég er einhleypur þannig að öllum er sama hvað ég geri. Ef menn ætla að vera í sambandi þá er rangt að halda fram hjá," sagði Khan sem sjálfur vingott við Rooney-vændiskonuna áður en hún fór að selja sig.