United með augastað á De Gea

Alex Ferguson, stjóri Manchester United, er sagður í enskum fjölmiðlum í dag hafa augastað David De Gea, nítján ára stórefnilegum markverði Atletico Madrid.

Ferguson misst af leik United gegn Scunthorpe í ensku deildabikarkeppninni í gær þar sem hann flaug til Spánar til að horfa á leik Valencia og Atletico Madrid.

United mætir næst Valencia í Meistaradeild Evrópu en talið er að Ferguson hafi einnig verið að fylgjast með De Gea sem stóð í marki Atletico.

De Gea átti stórleik gegn Barcelona um síðustu helgi en Ferguson er nú að leita að eftirmanni Edwin van der Sar sem verður fertugur síðar á árinu.