Arshavin: Vill fá fleiri stjörnur til Arsenal

Rússinn Andrei Arshavin hefur ekki alveg sömu trú á sínu liði og margir aðrir. Hann óttast að Arsenal skorti breidd í leikmannahópinn til þess að keppa um stóru titlana.

Arsenal er komið í átta liða úrslit Meistaradeildar Evrópu og stendur vel að vígi í baráttunni um enska meistaratitilinn.

„Ég er enn á þeirri skoðun að Arsenal vanti fleiri leikmenn ef liðið ætlar sér að vinna titla. Við seldum tvo leikmenn í fyrra en keyptum aðeins einn. Svo höfum við misst Van Persie, Kieran Gibbs og Aaron Ramsey í erfið meiðsli. Fyrir mér er það því morgunljóst að okkur vantar fleiri leikmenn," sagði Rússinn sem er ekki vanur að liggja á skoðunum sínum.

„Án fleiri leikmanna höfum við fáa möguleika í sókninni. Þess vegna eiga andstæðingarnir auðveldara með að lesa okkur. Fyrir vikið erum við minna með boltann og vörnin lendir í meiri pressu. Það er spennandi staða í eildinni en án nýrra leikmanna, alvöru stjarna, þá verður erfitt að vinna hana."